影片
更多
2017-12-22
1893 浏览
餐廳喺油麻地駿發花園，因嫲嫲住呢度所以我間唔中會嚟，但因為餐廳唔喺地舖而要上一層，而且大廈門面又唔起眼，所以開業三年我都只係最近見到餐廳直幡所以先發現到。大廈門口樓梯直上就到門口，門口都係平平無奇。主菜同意粉都可以加$22跟餐，都係百幾蚊個，價錢合理。另外仲有沙律、小食、頭盤、甜品，飲品有咖啡、花茶同Mocktail，都幾多選擇。今日餐湯係【紅菜頭忌廉湯】，紅菜頭有「歐洲靈芝」美譽，係近排好hit嘅健康食品，做出嚟嘅湯幾清甜，不錯。跟餐嘅蒜蓉飽亦相當鬆軟。散叫嘅【椒鹽酥炸軟殼蟹$68】，有三隻。冇乜椒鹽味，不過夠熱，而且蟹味夠，不錯。【炭燒紐西蘭西冷牛扒.燒汁.芥末及配菜 跟餐$124】雖然叫炭燒但一嚟唔見有炭燒常見嘅炭燒坑紋、二嚟亦食唔出有炭燒味道。叫咗5成不過有啲部份就起碼七成。肉質OK，燒汁亦算不錯。跟餐百二蚊有呢個質素算是OK。【炭燒美國草飼肉眼牛扒.燒汁.芥末及配菜 跟餐$110】都係冇炭燒味⋯不過味道肉質都OK。餐飲可以要樽裝鮮橙汁，有益。呢度另外有Tea Set，薄切紐西蘭西冷牛扒.燒汁，連Free drinks，都只係$48，絕對係街坊價錢。原來餐廳逢星期六7:30pm
大廈門口樓梯直上就到門口，門口都係平平無奇。
主菜同意粉都可以加$22跟餐，都係百幾蚊個，價錢合理。
另外仲有沙律、小食、頭盤、甜品，飲品有咖啡、花茶同Mocktail，都幾多選擇。
今日餐湯係【紅菜頭忌廉湯】，紅菜頭有「歐洲靈芝」美譽，係近排好hit嘅健康食品，做出嚟嘅湯幾清甜，不錯。
跟餐嘅蒜蓉飽亦相當鬆軟。
散叫嘅【椒鹽酥炸軟殼蟹$68】，有三隻。冇乜椒鹽味，不過夠熱，而且蟹味夠，不錯。
【炭燒紐西蘭西冷牛扒.燒汁.芥末及配菜 跟餐$124】雖然叫炭燒但一嚟唔見有炭燒常見嘅炭燒坑紋、二嚟亦食唔出有炭燒味道。叫咗5成不過有啲部份就起碼七成。肉質OK，燒汁亦算不錯。跟餐百二蚊有呢個質素算是OK。
【炭燒美國草飼肉眼牛扒.燒汁.芥末及配菜 跟餐$110】都係冇炭燒味⋯不過味道肉質都OK。
餐飲可以要樽裝鮮橙汁，有益。
呢度另外有Tea Set，薄切紐西蘭西冷牛扒.燒汁，連Free drinks，都只係$48，絕對係街坊價錢。
原來餐廳逢星期六7:30pm有live band，下次嚟開呢邊百老匯電影中心睇戲，可以嚟邊食邊聽，支持本地音樂。
张贴
