影片
更多
2011-04-17
8 浏览
動身嚟過兩次，但都因為不同o既理由而嚟唔到。皇天不負有心人，在黃雨o既環境下，終於一嘗心願。同太太倆個人，分別叫咗：燒肉眼牛排三文治套餐、熱狗套餐，倆個餐都轉熱咖啡，一個薯條轉煙三文魚沙律。牛排比較薄身，似燒牛肉片多啲，好在肉汁豐富，而麵包好脆口，襯熱食正斗~~伴碟薯條似剛剛炸起，外脆內軟，仲要係粗身薯條，口感一流。沙律算新鮮，味道就一般。熱狗用芝麻包，好香！麵包同樣好脆，蕃茄好鮮，加上芥醬，已經好惹味。相對香腸有啲平平無奇…咖啡唔算濃郁，不過，如果以加 $6 呢個價錢嚟講，絕對合格。環境麻麻地，坐得好迫吓。服務都係麻麻，唔算好有禮貌。轉咖啡要 +$，轉沙律又要 +$，加起嚟都唔平…好在有免費 wifi，可以上吓網，寫吓食評咁。感覺幾優閒~~
皇天不負有心人，在黃雨o既環境下，終於一嘗心願。
同太太倆個人，分別叫咗：燒肉眼牛排三文治套餐、熱狗套餐，倆個餐都轉熱咖啡，一個薯條轉煙三文魚沙律。
牛排比較薄身，似燒牛肉片多啲，好在肉汁豐富，而麵包好脆口，襯熱食正斗~~伴碟薯條似剛剛炸起，外脆內軟，仲要係粗身薯條，口感一流。
沙律算新鮮，味道就一般。熱狗用芝麻包，好香！麵包同樣好脆，蕃茄好鮮，加上芥醬，已經好惹味。
相對香腸有啲平平無奇…
咖啡唔算濃郁，不過，如果以加 $6 呢個價錢嚟講，絕對合格。
環境麻麻地，坐得好迫吓。服務都係麻麻，唔算好有禮貌。
轉咖啡要 +$，轉沙律又要 +$，加起嚟都唔平…
好在有免費 wifi，可以上吓網，寫吓食評咁。感覺幾優閒~~
张贴
