羊腩煲一上枱香氣撲鼻，羊肉炆得夠腍，唔會太羶。個汁濃郁得嚟又唔會太鹹，仲要係跟咗碟生菜，都算大碟而且新鮮，今日涼左食真係啱晒。
清蒸沙巴仔一斤分量，估唔到條魚好大條。蒸得火候恰到好處，魚肉滑溜，簡單淋上豉油蔥絲已經好夠味，勁快食晒食條魚。
鹵水拼盤我哋揀咗走內臟，有豆腐、豬肉同鵝肉。鹵水味道醇厚，唔會死鹹～
原盅蟲草花鳳爪燉螺頭真係真材實料，飲落好清甜。鳳爪燉到好腍，螺頭爽口，蟲草花嘅香味好出，飲完成個身暖笠笠。
服務都唔錯，阿姐會主動加茶同換碟。埋單$400左右，以呢個質素同分量嚟講真係好抵。
