聚來車仔麵

营业中

休息中

估唔到深水埗行到咁入嘅內街有間隱世港式車仔餐廳，門口貼有明星嚟幫襯嘅合照。行經過比「車仔飯餐」吸引到，幾特別喎，試吓先！揀咗幾款車仔餸配白飯，有魚蛋、豬紅、雞腎，牛腩。第一次咁食，啱曬我老公。又鐘意食車仔麵嘅餸，但食麵又唔覺飽，今次配飯，湊米氣！而我就揀咗招牌葱油雞扒飯。葱油汁好香！雞扒啱啱新鮮生炸起，熱辣辣！外表香脆，肉嫩多汁，葱油汁飯撈埋半熟雞蛋汁，真係幾好味😋 本身唔太餓都一啖一啖食晒。煎餃子🥟都唔錯🫶🏻 兩面煎到金黃色好靚，首先要講係個皮唔韌，唔洗死咬。以煎食過煎餃子嘅皮好韌，用力扯，結果個皮爛咗，個餡跌晒出嚟😵‍💫 呢度食完全冇呢個問題。咬開，外皮酥脆到聽到聲，見到入面肉餡，皮薄餡靚，好味！