COBALT

营业中

休息中

大角咀成日都有好多隱世高質小店，今日嚟試呢一間高質西餐🫡-🥩美國頂級牛板腱 ($358)我哋今次試咗五成熟，牛扒嘅顏色好靚，而且廚師好細心咁切走咗側邊一啲筋位，食落去口感軟嫩多汁，牛香十足😋配菜方面有薯蓉同埋各種雜菜，值得一讚嘅係薯蓉口感軟滑，配上牛扒同埋佢哋嘅自家製醬汁真係一流🥹🐂香草鹽燒牛骨髓 ($178)呢度菜真係唔係周圍都有得食🫡一上菜未食已經聞到好香，老闆教我哋可以擠埋側邊嘅蒜粒同牛骨髓放喺多士上面一齊食，口感好特別，牛骨髓同埋蒜頭都係入口即溶，完全唔腥，配上外脆內軟嘅多士，真係一啖接一啖咁食🐷🍖 24個月橡飼黑毛風乾火腿 ($188)油脂分布均勻，肉質充滿彈性，口感幼嫩，好有層次感，而且味道唔會太鹹，如果再配上一杯白酒或者紅酒就啱啱好，可惜小編今次冇嗌酒🤣🧆經典意大利tiramisu ($88)老闆話係佢哋自家製嘅tiramisu，食落幾有驚喜，口感絲滑，而且咖啡味恰到好處，唔會太濃但係又夠香☺️呢一間小店用嘅食材都幾高質，而且睇得出菜品好有誠意製作，菜單亦都會定時轉換菜品，每次嚟都可以試吓新嘅菜色😙裝修同埋氣氛都好有格調，菜品亦都有好多選擇，如果想慶祝紀念日或者想品吓靚酒，