宏鮨芯 (已搬遷) 新店位置

屯門真係有好多隱世美食！宏鮨芯位於屯門仁愛堂街1號，餐廳出面有個公共停車場，方便揸車人士去食。我架車都係就咁泊係出面，好方便。餐廳入面嘅裝修充滿日本風，環境舒適。上網睇食評見到好多人都有嗌過蟹殼嚟食，我都非常有興趣，決定叫咗個「甲羅燒」，佢係一個蟹殼裝住蟹膏，蟹子同蔥花，唔單止可以食到蟹膏嘅鮮甜，撈埋蔥花同埋蟹子，令到成個口感好豐富，伴小多士食簡直一流，真係好想佢比多幾舊多士我。然後，黎咗個「日本櫻花蝦炒飯」，廚師落重料！佢灑左好多櫻花蝦喺面同伴碟。而且飯夠乾身之餘，櫻花蝦好脆口，味道又唔會太濃，份量又夠。如果怕就咁叫刺身唔夠飽，呢個炒飯係首選！最後，食埋個「牛油果軟殼蟹卷」就啱啱好，佢將牛油果切成簿片加埋啲蟹子放係面，而裡面嘅軟殼蟹啲炸粉唔厚。整體哩間餐廳質素都好高，兩個人食，飽住走，埋單都只係三百幾蚊，價錢合理，會再嚟食多次。