因為呢度個環境都比較偏僻，唔係好多人會行到上黎，所以係少人，環境就好靜坐得好舒服，好適合想靜靜地坐喺度食晚餐嘅人
上次食完黑松露蕃薯條就忘記唔到佢，梗係要再叫多次! 水準同上次一樣正，又香好脆，好大份，兩個人食就有少少多
我地再叫左個七味一字雞翼，好香脆，少少辣
黎到專食慢煮嘅，梗係要叫返個慢煮牛試下啦
就叫左慢煮36小時紐西蘭慢煮牛面肉，好煙韌同咬口感，果然係慢煮，好入味之餘唔會太軟太老
叫左杯椰子水朱古力特飲，好濃朱古力味，係正嘅
水果茶就覺得有少少淡，不過有啲水果蓉係入面，係真材實料，同埋係清新嘅
