影片
更多
2018-10-16
108 浏览
朋友升職加人工，所以同佢嚟咗公司附近嘅居酒屋食Omakase。餐廳位置有少少難揾，店內嘅坐位唔多，得壽司吧同幾張二人枱，但勝在夠清靜，可以同友人暢談。💕縞鰺魚生片、沢蟹同鱈魚乾佢嘅擺碟幾有意境，好似兩隻蟹喺海灘上爬一樣。聞說縞鰺係池魚入面最矜貴嘅品種，雖然較味道淡，但魚肉纖維幼細。沢蟹唔會炸到好硬，蟹味好香。最令我驚嘆嘅係佢嘅鱈魚乾，原本以為會好乾身好難咬，但佢出奇地鬆脆，點埋日本沙律醬感覺好滋味。💕帆立貝平時食開嘅帆立貝刺身一般比較腍同細件。今次食嘅帆立貝好新鮮，而且更有口感。師傅叫我地唔好點鼓油搶咗佢嘅鮮味。帆立貝裙邊以炙燒方法烹調另外上，食得唔好浪費。💕秋刀魚剌身師傅話秋刀魚係而家嘅時令食材。切出嚟嘅花紋好靚，秋刀魚脂肪較多，所以食落好肥美。💕吞拿魚剌身同吞拿魚腩壽司四角柱型嘅吞拿魚造型幾特別，吞拿魚腩同樣肥美。之後上咗幾款壽司，有d比較少食嘅魚生，好似係笛鯛、系撚鯛同鰈鯛等，口感幾特別，而且都好新鮮，食到好滿足。食完剌身壽司就繼續食熟食。天婦羅除咗有常見嘅蝦同蕃薯，最特別嘅係有目光魚。食落幾香口，有少少似白魚，肉質細膩。而天婦羅蕃薯就好甜同嫩。💕煙肉露荀卷露荀都幾嫩冇渣，個人覺
💕縞鰺魚生片、沢蟹同鱈魚乾
佢嘅擺碟幾有意境，好似兩隻蟹喺海灘上爬一樣。聞說縞鰺係池魚入面最矜貴嘅品種，雖然較味道淡，但魚肉纖維幼細。沢蟹唔會炸到好硬，蟹味好香。最令我驚嘆嘅係佢嘅鱈魚乾，原本以為會好乾身好難咬，但佢出奇地鬆脆，點埋日本沙律醬感覺好滋味。
💕帆立貝
平時食開嘅帆立貝刺身一般比較腍同細件。今次食嘅帆立貝好新鮮，而且更有口感。師傅叫我地唔好點鼓油搶咗佢嘅鮮味。帆立貝裙邊以炙燒方法烹調另外上，食得唔好浪費。
💕秋刀魚剌身
師傅話秋刀魚係而家嘅時令食材。切出嚟嘅花紋好靚，秋刀魚脂肪較多，所以食落好肥美。
💕吞拿魚剌身同吞拿魚腩壽司
四角柱型嘅吞拿魚造型幾特別，吞拿魚腩同樣肥美。
之後上咗幾款壽司，有d比較少食嘅魚生，好似係笛鯛、系撚鯛同鰈鯛等，口感幾特別，而且都好新鮮，食到好滿足。
食完剌身壽司就繼續食熟食。天婦羅除咗有常見嘅蝦同蕃薯，最特別嘅係有目光魚。食落幾香口，有少少似白魚，肉質細膩。而天婦羅蕃薯就好甜同嫩。
💕煙肉露荀卷
露荀都幾嫩冇渣，個人覺得如果煙肉冇咁咸會更好。
💕明太子烏冬
烏冬落咗明太子同泡菜，所以有少少酸少少辣，算係fusion 嘅食法，烏冬唔會太乾身。
最後以柚子雪芭作結，雪芭入面有少少柚子果粒，食落好清爽，為今晚嘅晚餐畫上完美句號。
张贴
