隨心 (已搬遷) 新店位置

最近都係多雲有雨嘅日子，一時晚飯唔太知食咩好，行行下經過見到呢度有食海南雞，店名「隨心」很貼合我宜家嘅心態，而海南雞啖啖肉都幾符合我心水環境闊落，坐得舒服仲有一個新加坡標誌嘅立體打卡位📸隨心海南雞飯(無骨）🐓嚟到緊係要試佢嘅招牌海南雞飯啦～都幾大碟，比較少見有黑木耳做伴碟，亦會附送一個雞湯，同三款醬料，分別是黑醬油、薑蓉，以及辣醬雞件夠嫩滑，油飯唔會太油比較爽身，亦唔會太濃味，唔使怕越食越鹹海鮮喇沙🍜材料十分之豐富😍：有蝦🦐，帆立貝，魚片，蟹柳，雞蛋🍳，豆卜，芽菜湯底有滿滿嘅椰香味，辣度亦容易接受😋佢嘅麵係摻摻即兩溝，但並非一般常見用油麵溝米粉，而係用瀨粉溝米粉，口感會比較彈牙爽口👍🏻新加坡黑蘿蔔糕係餐牌見到佢已經即時激起我嘅好奇心，加上都鍾意食蘿蔔糕，就一試佢會同平時嘅蘿蔔糕有咩分別原來佢嘅黑色係來自黑醬油，有些蒜味和辣味，外層煎得微脆，裏面軟綿綿，非常香口惹味椰香咖啡☕️🥥自己幾鍾意椰子味嘅食物，所以見到有椰香咖啡，就毫不猶豫咁叫咗一杯品嘗果然冇令我失望，幾重椰香味，椰子嘅香甜大大減低咗咖啡嘅苦澀味，咖啡又平衡返椰子嘅甜膩感，彼此相得益彰，讚😆