-
🍴粟米魚肚羹
魚肚爽口，羹嘅黏結度剛好，唔會太水或者太糊，味道略嫌唔夠，加埋胡椒粉就好好多啦。
-
🍴海蜇墨魚餅
墨魚餅表面夠乾身，無比鋪底嘅海蜇整濕，口感屬於比較實在，實的的嘅，都香墨魚味；而海蜇就爽口，偏淡調味，兩者不過不失。
其實海蜇同墨魚餅係真係完完全全兩樣野分開，無互補無加乘，同埋必須講一講果個勁淡口嘅咖哩汁，完全唔知咩事。
-
🍴酥炸生蠔
我上年都有叫酥炸生蠔，生蠔同樣大隻鮮甜唔會腥，好食，但今次個粉厚左啲啲，同埋整體油左啲啲。可能今次休息緊求其煮，上次中午人多時食就比較乾身。
-
🍴蝦醬炒通菜
滿滿蝦醬香，但唔死咸，菜都翠綠嫩口無渣。上年都係有點呢個，因為另一個菜無晒，所以照舊叫啦，但呢碟菜又係比上年落油重手左。
