影片
更多
2017-03-26
7498 浏览
先黎一個大合照，笑~~~嘩嘩嘩! 好震撼呀! 周圍啲食客都好驚訝，係咁望住我地枱嘅嘢食。 你睇吓隔離枱個食客隻手指你就知佢幾驚訝啦~ 放題都係多人食先好，食到成枱食物，咁先夠氣勢(但我地冇浪費架)。【重料湯底】呢度啲野除左大大件，最深刻就係個湯底。一般去任食火鍋放題，個湯底都係簡簡單單，唔會落重料。網上睇見到人地食評啲相個湯底好正，梗係要黎試！有好多款湯底揀:一早上網就睇中左三個目標湯底，東京番茄龍蝦湯、御前芝士、椰子雞湯。御前芝士湯底有爆多芝士好吸引，有芝士粒同片狀芝士好大堆頭，但朋友睇完相就話芝士火鍋太飽太膩，所以就剔除左！最終鎖定龍蝦湯同椰子雞湯，鴛鴦湯底每位要加＄18架，我哋四個人就大概要加＄80，但我哋都要加!!!!龍蝦湯底，好大隻龍蝦頭喺入面，仲有幾多新鮮番茄。 唔知你知唔知，蝦呢，蝦殼蝦頭就最有蝦味，熬湯底用蝦肉係冇乜蝦味架，全靠蝦殼蝦頭先出味。你睇下個龍蝦頭，仲大過罐飲品。一個字: 巨! 個湯真係好重蝦味同時又好清甜既番茄味，四人齊齊豎起手指公大讚。椰子雞湯，睇下啲雞肉幾嫩滑。一上枱椰味香濃四溢，好香好清甜。仲要附送椰青一大個，俾我地自己加入個湯度，落足料，唔係味精湯底
大合照
163 浏览
0 赞好
0 留言
【重料湯底】
呢度啲野除左大大件，最深刻就係個湯底。一般去任食火鍋放題，個湯底都係簡簡單單，唔會落重料。網上睇見到人地食評啲相個湯底好正，梗係要黎試！有好多款湯底揀:
一早上網就睇中左三個目標湯底，東京番茄龍蝦湯、御前芝士、椰子雞湯。御前芝士湯底有爆多芝士好吸引，有芝士粒同片狀芝士好大堆頭，但朋友睇完相就話芝士火鍋太飽太膩，所以就剔除左！最終鎖定龍蝦湯同椰子雞湯，鴛鴦湯底每位要加＄18架，我哋四個人就大概要加＄80，但我哋都要加!!!!
龍蝦湯 椰子雞湯 鴛鴦鍋
95 浏览
0 赞好
0 留言
椰子雞湯，睇下啲雞肉幾嫩滑。一上枱椰味香濃四溢，好香好清甜。
仲要附送椰青一大個，俾我地自己加入個湯度，落足料，唔係味精湯底黎架。店員仲細心提醒: 隻長匙係俾你地"畢"啲椰肉出黎食架。
【環境】坐椅以紫色為主，再配以日式佈置。
【飲品及醬料】飲品就有三個大雪櫃俾你揀。
仲有無糖可樂:
亦有一籃飲品係唔凍嘅:
又有幼滑嘅綠茶粉:
但我個人鍾意呢款粒粒果肉嘅菠蘿汁:
醬料區的豉油，係刺身同埋火鍋同一種豉油:
最難得係提供雞蛋任你攞:
【配料自選區】某啲配料可以自己揀:
仲有全港唯一"以原隻全牛後腿肉製造" "100%全牛肉"的特色牛丸:
睇下啲肉質，確係正，仲好JUICY，呢個係必試!
全港唯一"以原隻全牛後腿肉製造" "100%全牛肉"的特色牛丸
24 浏览
0 赞好
0 留言
刺身好新鮮，擺得幾靚:
刺身拼盤
116 浏览
0 赞好
0 留言
仲好好少放題有既象拔蚌刺身，細塊但鮮甜:
【ORDER配料】全部都係好新鮮既海鮮。黑色既係海參，呢款配料好少有得任食架，海參本身係冇乜味架，但含低膽固醇、高蛋白、低脂肪，常食對治病強身有益處，我的三位朋友們，中年了，要食多啲呀
紅肉主打三款，美國進口牛肉片、加拿大牛肩胛肉片、鹿兒島豚肉片。
個人最喜歡加拿大牛肩胛肉片，勁大塊，仲好嫩滑。
加拿大牛肩胛肉片
18 浏览
0 赞好
0 留言
朋友最喜歡美國進口牛肉片，話牛肉味特香，多油脂，但入去又唔覺肥喎。
【甜品】
呢款細細舊又唔漏，脆皮朱古力加雪糕，我仲有「食力」食兩舊。
【服務】我地四個人，店員話安排一張較大的四人卡位俾我地。啲野上齊晒，發覺真係唔夠位擺，店員就主動話幫我地轉張六人大枱，其實佢地要做多好多野，我地都唔好意思，真係唔該晒!!!
๑•ิ.•ั๑ 二百幾蚊，咁多野食，都幾抵丫!
张贴
