更多
2019-05-02
558 浏览
朋友推介呢间日本餐厅，见今日喺坚尼地城附近行完街，地点又好方便，所以决定过黎一试。餐厅座位舒服，而且我好欣赏佢嘅服务，成晚都好nice，仲好落力同详细咁解释每一道菜，真系好有礼貌同殷勤！我地叫咗寿司拼盘，食落去全部都好新鲜，包括甜虾，左口鱼，三文鱼，吞拿鱼，池鱼，鲷鱼等等，饭里面仲会有wasabi喺度，味道洽到好处，每一旧都好鲜甜。唯一一旧灸烧嘅寿司就系左口鱼，入口即溶，好有满足感。烧吞拿鱼下巴真系好特别，佢好适合烧呢种煮法，烧完之后肉质嫩滑，肉同埋脂肪嘅油份比例啱啱好，有种松软溶化嘅感觉。佢配埋柚子醋嘅酱汁好夹，有画龙点精嘅效果。牛肋骨串烧得好出色，少许烧焦嘅味道加上牛肉嘅味道，有种好香口嘅感觉。最重要嘅系佢烧得一d都唔韧，好淋身，好钟意食呀！道明寺鲷鱼樱叶蒸系daily special，煮法同配料都好特别，里面嘅鲷鱼蒸得刚好熟透，配埋类似糯米饭嘅质感，可以提升咗味觉层次感。总括黎讲，今次真系大满足，好耐未试过食咁好味嘅日本野啦！
餐厅座位舒服，而且我好欣赏佢嘅服务，成晚都好nice，仲好落力同详细咁解释每一道菜，真系好有礼貌同殷勤！
我地叫咗寿司拼盘，食落去全部都好新鲜，包括甜虾，左口鱼，三文鱼，吞拿鱼，池鱼，鲷鱼等等，饭里面仲会有wasabi喺度，味道洽到好处，每一旧都好鲜甜。唯一一旧灸烧嘅寿司就系左口鱼，入口即溶，好有满足感。
烧吞拿鱼下巴真系好特别，佢好适合烧呢种煮法，烧完之后肉质嫩滑，肉同埋脂肪嘅油份比例啱啱好，有种松软溶化嘅感觉。佢配埋柚子醋嘅酱汁好夹，有画龙点精嘅效果。
牛肋骨串烧得好出色，少许烧焦嘅味道加上牛肉嘅味道，有种好香口嘅感觉。最重要嘅系佢烧得一d都唔韧，好淋身，好钟意食呀！
道明寺鲷鱼樱叶蒸系daily special，煮法同配料都好特别，里面嘅鲷鱼蒸得刚好熟透，配埋类似糯米饭嘅质感，可以提升咗味觉层次感。
总括黎讲，今次真系大满足，好耐未试过食咁好味嘅日本野啦！
张贴
