八川壽司 (已搬遷) 新店位置

今日同朋友一齊去咗八川，因為佢喺順寧道，同長沙灣道呢條大街都隔咗幾條街，所以其實比較少人去。少人去都有少人去嘅好處，就係你可以喺嗰度坐好耐，同朋友一齊喺嗰度飲啤酒同埋食壽司，之前都同朋友喺依度食壽司食同坐，輕輕鬆鬆咁傾偈。不過琴日時間有啲趕，所以就食咗一個叉燒拉麵。預咗個湯底都會濃味。呢個拉麵味道正正常常。而吸引我嘅地方就係佢啲擺設，有好多唔同嘅擺設，例如酒、動漫海報、一啲動漫角色模型。食嘢嘅時候仲可以慢慢望吓周邊擺設。