本身諗住求其入間野食就攪掂一餐，
原來嚟咗間好有病嘅餐廳。
-
首先嚟咗碟鹽焗雞，斬到甩頭甩骨咁款，廚房連雞都唔識斬，真心廢。
椰子雞湯好似水咁
然後，叫左杯話梅梳打，一個成身紋身+mk頭嘅肥佬侍應擺低罐已經嚴重變形嘅罐裝梳打水，因為罐蓋變哂形，已經完全打開唔到，我就叫個侍應幫我打開就ok，然後佢拎走罐變形梳打水，我已經話唔洗換，打開到就ok，佢就好堅持話要換2罐新嘅，原來想整蠱我。
一打開新嗰罐梳打水，即時狂噴泡，好彩冇噴到身，但就噴到隔離成凳都係，正正常常一罐岩岩新拎出嚟嘅梳打水點會咁樣爆泡出嚟？9成係比個陰毒侍應搖過，咁幼稚嘅mk行為，係幾好笑，張凳濕哂係邊個抹啫？又咪佢自己抹。
間野睇落想執笠㗎喇，咁陰毒啲人係呢個場都唔知幾時吐口水落你碗野，真係唔好去食喇。
