醉胡爐 (已搬遷) 新店位置

原本諗住去呢間打邊爐 ，但係個friend 坐底後見到刺身又想食 。好啦，咁我地最後就叫直接叫左刺身同串燒 。刺身就試左一板馬糞海膽，價錢上唔算貴，只係四百蚊。另外再加左少少三文魚，池魚，海老同赤貝。整體來說，刺身係好新鮮，每一塊都幾厚下。串燒就叫左大啡菇，和牛、雞翼、白鱔、牛舌同雞腎串燒都燒得幾好，無燶雞腎好爽唔硬，大啡菇又夠多汁。最後飲品方面我地叫左「醉」同「胡」。話就話「醉」有清酒，但係飲落酒味又唔太勁。