大紅袍火鍋料理 (已結業)

其實尖沙咀大紅袍之前都去過幾次，佢地 <金屋藏嬌> 湯底係我返轉頭幫襯嘅主要原因。<金屋藏嬌> 湯底主要有冬瓜，半隻雞，花膠，蟲草花，津白，竹笙，紅棗等材料。上枱後侍應阿姐會幫忙剪開隻雞等你食得方便d，不得不提隻雞雖然係湯料，但係肉質嫩滑又無雪味，非一般火鍋店湯底d雞咁嚡口。當晚仲 order 左貴花蚌，中蝦，廣島蠔，脆鯇腩，本地手切肥牛同蔬菜，而且海鮮係絕對高質無得彈。不過，當晚美中不足帶子刺身漏左單，脆鯇腩過肥一啖成口油，手切肥牛又比之前失色。總結: 為左個湯底同海鮮，我仍然會再幫襯。