影片
更多
2023-03-20
1214 浏览
星期日, 入屯門同FD交收, FD 話帶我食好野, 叫我早D 出門口, 我問可唔可以比我瞓多陣, 佢話間野D 雞湯星期6日先有, 仲要限量, 遲左就無, 然後我準時11:00am收到佢既MORNIG CALL…… (如果唔好食我一定打爆你個頭)間野叫浪麵, 星期日, 未到1:00pm, 仲要屯門咁遠, 竟然已經要排隊, 會唔會太過份…..好在都仲早, 排左10min左右, 可以入去坐啦, 小鋪一間, 裝橫簡單, 企理黎個小食先, 我終於知道咩係傳說中既”老闆瘋了” , 呢度4隻雞翼, 價值HKD$4….你無睇錯, 我無打錯, 痴線, 食麵就可以加$2 換購2隻雞翼….我地一人加左$2!餃子咬落真係”咯咯” 聲好脆入面D 涵都好多肉:朋友話唔駛諗,一定係叫限量既雞湯湯底, 所以我跟左我呢個係雞濃湯底橄欖油慢煮雞胸蕎麥麵個湯底真係好有雞味, 夠晒濃, 但又唔肥, 由於係配清爽既蕎麥麵仲一D 都唔漏, 我覺得佢地係特登為蕎麥麵/扁烏冬調呢個湯底既, 因為如果同一個湯底用係平時食開質地較厚既拉麵, 件事就會有D OVER….呢個夾得剛剛好, 都不枉我晨早起身走入黎食雞胸都夠嫩, 仲落左小小黑椒
間野叫浪麵, 星期日, 未到1:00pm, 仲要屯門咁遠, 竟然已經要排隊, 會唔會太過份…..
好在都仲早, 排左10min左右, 可以入去坐啦, 小鋪一間, 裝橫簡單, 企理
黎個小食先, 我終於知道咩係傳說中既”老闆瘋了” , 呢度4隻雞翼, 價值HKD$4….你無睇錯, 我無打錯, 痴線, 食麵就可以加$2 換購2隻雞翼….我地一人加左$2!
餃子
咬落真係”咯咯” 聲好脆入面D 涵都好多肉:
朋友話唔駛諗,一定係叫限量既雞湯湯底, 所以我跟左我呢個係雞濃湯底橄欖油慢煮雞胸蕎麥麵
個湯底真係好有雞味, 夠晒濃, 但又唔肥, 由於係配清爽既蕎麥麵仲一D 都唔漏, 我覺得佢地係特登為蕎麥麵/扁烏冬調呢個湯底既, 因為如果同一個湯底用係平時食開質地較厚既拉麵, 件事就會有D OVER….呢個夾得剛剛好, 都不枉我晨早起身走入黎食雞胸都夠嫩, 仲落左小小黑椒吊味.
個糖心蛋好有蛋味, 應該真係日本蛋, 今時今日,日本有蛋荒都仲食到日本蛋真係好開心
呢個係朋友既濃湯底黑醬油叉燒蕎麥麵我用一塊雞胸交換左佢一塊叉燒
佢唔係平時食開拉麵鋪果種叉燒, 佢似我地係日式燒肉鋪食既烤豬肉多D, 仲烤到好香, 燶邊, 薄薄地,本身見餐牌話只有3塊有擔心過會唔會太少, 但原來真人版都幾長, 所以份量都OK. (不過真係好好味好香, 我唔介意食多幾塊)
飲埋杯麥茶, 就圓滿了(我指我條腰, 最近日日食好野)
就係咁啦,下次再SHARE, 謝謝收睇
张贴
