捌加廿陸天婦羅居酒屋 (已結業)

餐廳主要提供各款天婦羅料理，另外採用大量日式漁村海味元素，令人更加有置身日本海味舖嘅感覺。1️⃣自選天婦羅冷蕎麥麵，配料包括雞肉天婦羅、廣島蠔、黑虎蝦和半熟蛋。佢另有配送櫻花蝦麵豉湯，櫻花蝦仲可以無限量咁自己落，簡直鮮味十足。我把冷蕎麥麵溝埋餐廳提供的秘製辣醬，感覺非常搭配，如果係中意食辣既朋友千祈唔好錯過！配料方面，半熟蛋既口感非常好，咬下十分嫩滑，而且半熟流心，蛋醬係咬落去既時候爆曬出嚟，超級治癒。廣島蠔都十分好，外皮酥脆，但內面就好多汁而唔乾身，仲食到陣陣蠔鮮味。黑虎蝦就亦都唔錯，口感爽身，蝦肉彈牙，外皮香脆，而且食落口鮮味亦然十足。2️⃣自選天婦羅湯烏冬，其中包括饎魚、蓮藕、茄子、活虎蝦天婦羅。饎魚比較特別，平時都比較少食，即使炸過之後肉身依然鮮嫩滑。活虎蝦是期間限定，比黑虎蝦更加爽口彈牙，鮮味蝦味明顯再凸出，中意食蝦絕對要試下。總體來說，捌加廿陸天婦羅居酒屋的食物質量不錯，天婦羅的外皮非常酥脆，食材新鮮。價格適中，環境佈置特別，唯一係鋪頭空間比較少，如果兩小口飲酒傾偈食嘢係個好地方。❣️ 捌加廿陸天婦羅居酒屋 (尖沙咀)尖沙咀緬甸臺8號凱譽地下17號舖