1
壽喜燒普遍分為關西及關東風,而伊勢熊就有別於傳統分派,以結合關西糖烤及關東風醬汁燉煮嘅特色去將和牛風味提升到極致.
伊勢熊壽喜燒五道菜午市套餐
前菜
水雲菜 l 昆布豆腐
酸酸甜甜嘅水雲菜好開胃.豆腐嫩滑又濃豆香
茶碗蒸
高湯味突出而且加上嫩滑嘅蛋漿夠晒香茶碗蒸底下仲有明太子!
和牛壽喜燒
京都姬牛 l 香川縣小豆島橄欖和牛
京都姬牛肉質細嫩而且帶點黏性,食落更細綿順滑,帶出入口即融風味.橄欖和牛口感柔軟,肉香及肉汁相當突出.而且和牛嘅大理石油花相當均匀,食落充滿細膩嘅牛脂香.
山口縣雞蛋
將和牛及野菜配搭特選嘅山口縣雞蛋,令食材入口更嫩滑濃厚,將食材風味昇華.
配料
沖繩島椒絲 l 柚子 l 芥末 l 意大利松露醬
套餐一共配搭4款蘸料,每款蘸料各有特色,令和牛帶出各種層次嘅口味.
日本季節蔬菜五款
選取日本時令蔬菜去加入壽喜燒烹煮,蔬菜自身嘅和氣突出而且甘甜.
白飯
以混合北海道夢美人米及北海道白鳥古代米再加入日高昆布高湯烹煮.粒粒分明又飽滿嘅白米帶出鮮而甘甜嘅風味.
甜品
柚子雪葩清新冰涼,將口腔內嘅油膩感分解.
