日悅極尚日式放題 (已結業)

呢排突然钟意咗食放题，好钟意任食，又可以食到唔同种类野生食嘅感觉。以日式料理为主，亦都有好多唔同种类嘅野食。 刺身、寿司、卷物、烧物、天妇罗、串烧、料理一应俱全。一开始当然都系食刺身，鲜带子、象拔蚌、虎虾、希灵鱼、三文鱼、油甘鱼等等，种类齐备食落都好新鲜。除咗有平时都食到嘅寿司，仲有唔同嘅卷物、火炙寿司同埋创意寿司。 卷物方面特别推荐芝士三文鱼卷同牛油果软壳蟹卷。海鲜冷盘系自助形式出去拎，有翡翠螺、青口、鲜虾等等。 左上就系创意寿司，分别系香芒沙律船同三文鱼籽花之恋。天妇罗方面，有平时食开嘅蟹棒天妇罗、虾天妇罗同埋蕃薯天妇罗等等。 清酒煮蚬都值得一试讲到放题最吸引部分，就一定系雪糕放题， 而且仲要唔系普通雪糕。 除咗啤酒，亦都有清酒同梅酒放题。食到中途突然间有片皮鸭可以攞。可能系即叫即炸嘅缘故，所以食到中途炸物先到。 除咗有芝麻鸡翼同吉列炸蚝，脆皮猫山王嘅榴梿味十足，亦非常脆口。出面除咗有海鲜，仲有唔同小食同冷盘提供。亦有唔同糖水同埋汤可以选择。