花香

其實原本特登出K11想食第2間, 但別間lunch 已完，果一刻灰到盡頭，已經唔想再排隊慢慢等，見附近呢間門口得2個人排隊是啦就呢間。比門口大大個外賣餐牌嘅價錢呃左，堂食單點飯/意份基本上都一百二十蚊或以上。

睇餐牌，佢d 甜品同㗎啡好似幾吸引，食食甜點頂下肚先吧。

花生醬多士配麻薯，＄68。如圖，只係大塊過包tempo細紙巾少少。

杯朱古力個樣好似好濃好好味，但實際只係不過不失。

黑色果杯㗎啡係餐廳招牌，＄52/杯。坦白講真係好似水，無味，無㗎啡味，得個樣懶靚。我唔係濃味要求者，我自己都飲唔到太苦嘅。但Pacific /Starbucks / NOC / 各小店一定好味過佢好多。

其實仲叫左另一個甜品，但完全再無意慾影相。埋單二百六十幾。我覺得好屈悶，因為我覺得食物完全唔值，而我絕對無興趣用佢個景打卡。