蒲頭島 (已結業)

平時都幾中意食放題，貪款式多，自己順便選擇，一定食得飽。昨晚去左佐敦的蒲頭島食極尚網燒鐵板燒任點火鍋，他們做緊暑期大優惠，每位連服務費238元，就有和牛海鮮拼盤，大大隻龍蝦網燒，好新鮮彈牙。湯底選了木瓜雪燕，好滋補。手機下單無漏過單，出面仲有很多款式小食。叫了鬼馬蝦滑，即油炸鬼釀蝦膠，幾特別，平時係其他地方食放題都無。任點的海中蝦好新鮮，蝦頭多膏，肉質又彈牙。最愛他們的樽裝雪燕，好滋潤，飲左3樽。