廚師帽 (已結業)

公司剛由北角搬到觀塘，人生路不熟，終於迷咗路。咁就畀小妹喺鴻圖道搵到呢頂廚師帽。自自製意大利粉以後，就好少喺外邊食意粉；太好食喇，返唔到轉頭。 但餐牌上嘅黑松露忌廉汁蘑菇意粉，又實在太吸引，於是就叫嚟試吓！首先嚟嘅係餐湯，飲唔出係乜嘢但好好味；跟住係凍檸茶少甜，真係一啲都唔甜，仲有五片檸檬。主角終於都出現喇！賣相非常之漂亮，有高級餐廳嘅水準，配料多、味道好；小妹最後連碟底都舔得乾乾淨淨。絕對會有下次！ ！ ！