我叫左A4.終極之廣島牡蠣濃湯拉麵,細佬就揀B8.極之黑松露鯛白湯拉麵,小食叫左雞皮餃子,叫拉麵有送甜品,Follow佢地IG送飲品!
平時豬骨湯同雞白湯拉麵食得多,海鮮湯好少食,今次真係打開左我新味覺!!
首先係湯底,非常鮮味,牡蠣濃湯非常濃郁純厚,但又唔會油膩或太咸,係可以整碗湯飲哂既程度!其次係配料,非常足料既一碗拉麵,大廣島蠔有3隻,叉燒有3塊!仲有好多蠔仔,蠔每隻都好肥美,慢煮叉燒風味十足。
另一碗黑松露鯛白湯拉麵都好特別。店員介紹可以先試原味,再混合黑松露,會有唔同風味。鯛白湯非常鮮甜,而鯛魚肉都好嫩滑。
雞皮餃子好脆好香口。至於甜品迷你紅豆大判燒,食落味道似豆沙鍋餅,不過厚身D,幾好味。杏仁奶凍就普通。
整體黎講,依餐非常好味又滿足,價錢亦都好公道。打開左我味覺既新篇章,以後再試其他款。
非常推薦鍾意海鮮湯或想嘗鮮既朋友去試!
A4.終極之廣島牡蠣濃湯拉麵 $138
B8.極之黑松露鯛白湯拉麵 $98
雞皮餃子4件 $28
P.S. 只收現金!! 逢星期一休息|午市1200-1500|晚市1730-2130
