元祖沾麵專門店

極上芝士蟹皇沾麵 $148
先上沾麵，已經見到好豐富，有4塊日式叉燒，半隻溏心蛋，紫菜，荀，蔥花

然後再上用石鍋載住嘅芝士濃湯，湯上面仲有少量海膽，入面仲有幾舊腩肉

最後上埋蟹膏同蟹籽，未食已覺得好豐富！

按習慣，先試沾麵，啲麵沾上濃濃嘅芝士湯底好香濃，加埋鮮甜嘅海膽真係一絕。

蟹膏都好好味😋蟹籽就一般貨色，冇乜特別，但叉燒又係值得一讚，肥瘦適中，夾住麵食啱啱好！

濃厚豚骨叉燒拉麵 $79
坦白講，拉麵就冇乜特別，當然叉燒都係出色嘅，但嚟得都係試下沾麵啦！