岩盤牛扒 ミディアムレア ステーキ (博文街) (已結業)

鐵板牛扒近期都好Hit，呢間牛扒店最好就係即切即磅。有三款唔同嘅牛扒，分別係肉眼、牛柳及西冷。肉非常新鮮，加配套餐只係$25，可以湯、飲品、沙律及飯四選三。基本上$100左右就可以有塊大大牛扒。首先落咗單之後就會俾個震震器你，當整好咗就可以自取，唔會等好耐。牛扒有三個汁可以揀，分別係蔥油、洋蔥油、蒜油，我就揀咗蒜油。最鍾意蒜蓉。除咗蒜蓉，佢仲有啲蒜片喺面。我揀咗肉眼五成熟，都好大塊，而且熟度可以在自己慢慢控制。沙律都好多，仲揀咗麵豉湯夠味，有海帶，熱辣辣。另外飲品就揀咗烏龍茶。