更多
2018-05-04
231 浏览
呢幢大厦一向都多野食，事隔几年有啲餐厅都转左手，之前都食过呢幢既麻辣火锅、海鲜火锅，就留意到多左间四川麻辣菜，一睇就知啱口味！所以唔争在择日黎试埋呢间！呢度既格局好中式菜馆，招牌用毛笔字题字、圆台、瓷碟茶壶等等，连个名叫做四姐川菜！呢度划一收费$340一位，按人头而分配可以叫几多款凉菜及热菜，最后仲会炒一碟清菜，越多人就叫到越多菜，我地只得2个人，都可以叫到2款凉菜+3款热菜，再加一碟清菜，都可以试到好多野！凉菜选择当中都有好多辣既小食好似唔错，例如口水鸡、夫妻肺片、青椒皮蛋等等，D辣椒既味加红油应该好正，不过佢好多野都唔食，我地就拣左蒜泥白肉仲有招牌四川凉面，都好大份呀！见好多台都叫左呢款四川凉面，相信应该唔错，顶部铺左一堆辣调味酱，加左雪菜、好多葱、醋等等，拌好后食落味道好开胃！面属于幼蛋面咁既口感，唔会太淋，调味非常衬，麻辣得黎好香口，又有配料既咬口，好抵食！系比较辣既凉菜之一！呢度蒜泥白肉比其他食店用得更多红油更少蒜泥，但咁样更增添佢既香气！白肉唔肥，切得好薄更加吸收到酱汁既味，咪睇佢呢个汁好红，其实系最唔辣果碟，少少麻香又有D甜甜地，有蒜香亦令到白肉好香口。跟住到3款小菜，云
呢度既格局好中式菜馆，招牌用毛笔字题字、圆台、瓷碟茶壶等等，连个名叫做四姐川菜！呢度划一收费$340一位，按人头而分配可以叫几多款凉菜及热菜，最后仲会炒一碟清菜，越多人就叫到越多菜，我地只得2个人，都可以叫到2款凉菜+3款热菜，再加一碟清菜，都可以试到好多野！凉菜选择当中都有好多辣既小食好似唔错，例如口水鸡、夫妻肺片、青椒皮蛋等等，D辣椒既味加红油应该好正，不过佢好多野都唔食，我地就拣左蒜泥白肉仲有招牌四川凉面，都好大份呀！
见好多台都叫左呢款四川凉面，相信应该唔错，顶部铺左一堆辣调味酱，加左雪菜、好多葱、醋等等，拌好后食落味道好开胃！面属于幼蛋面咁既口感，唔会太淋，调味非常衬，麻辣得黎好香口，又有配料既咬口，好抵食！系比较辣既凉菜之一！
招牌四川凉面
23 浏览
0 赞好
0 留言
呢度蒜泥白肉比其他食店用得更多红油更少蒜泥，但咁样更增添佢既香气！白肉唔肥，切得好薄更加吸收到酱汁既味，咪睇佢呢个汁好红，其实系最唔辣果碟，少少麻香又有D甜甜地，有蒜香亦令到白肉好香口。
蒜泥白肉
19 浏览
0 赞好
0 留言
跟住到3款小菜，云云选择当中拣左鲍菇炒片片鸭、招牌重庆水煮鱼、重庆辣子虾，其实仲有好多款都想试，事关食辣真系好正！
杏鲍菇炒得好爽，而片片鸭就用左鸭胸走鸭皮，啖啖肉，肉质唔会干唔会梅，最怕食到鸭胸食梅得太过份，呢个鸭胸你真系感觉食紧鸭肉，炒得少油清新！虽然见到有辣椒但其实唔辣的！
鲍菇炒片片鸭
23 浏览
0 赞好
0 留言
呢个重庆辣子虾，虾用油爆过的，连壳都爆至脆身但未至于可以连壳食，非常香口，味亦好香，辣辣地又够干身！
重庆辣子虾
24 浏览
0 赞好
0 留言
之后有主角水煮鱼！一见到颜色好靓！似足平时系国内食京川菜既卖相！用既唔系一片片既新鲜鱼而是鱼柳，因为人地唔识食有骨既鱼，鱼柳绝对合佢口味！我就钟意食新鲜鱼！辣度相当不错，麻得几正，除左芽菜，底仲有宽粉条，索晒汁好够味！呢个都几大份！可以再多1-2人share！如果用新鲜草鱼或桂花鱼就完美喇！香港好少地方揾到咁正宗既水煮鱼，辣椒感觉真系用四川黎既，煮出黎既味道都系麻、辣、香俱全！确实有实力！
招牌重庆水煮鱼
16 浏览
0 赞好
0 留言
送既呢碟清菜其实都不可睇少，少油少盐但吊出菜既清甜，亦显出厨师根底功夫，呢餐晚饭食得好满足，食到都系正宗四川小菜味道，如果最后有小小甜品就更好喇！
蒜蓉炒油麦菜
17 浏览
0 赞好
0 留言
张贴
