Mille Mele Tokyo (已結業)

人生就是不停的...食甜品講真，甜品真係有種魔力，令人抗拒唔到！上個月東京人氣蘋果批Mille Mele Tokyo就登陸咗銅鑼灣，原料日本直送，又酥皮又吉士忌廉又富士蘋果饀咁，教人點頂？終於前兩日就去咗幫襯店子喺時代廣場後嘅霎東街，裝修比較美式，紅白為主，勁Igable！另外，我好鍾意佢門口嘅大窗，邊坐係度食批，邊睇下街景，Chill到爆！店內主要以紅白做裝修，好Igable！至於食物方面，Mille Mele Tokyo可以選擇嘅唔多，除咗主打嘅招牌蘋果批、小食千層牛油脆粒，仲有兩款飲品，分別係接骨木花梳打及蘋果梳打等～唔係A就B～但我係欣賞咁嘅經營手法，專心做好一件事，先會盡善盡美！對不對？言歸正傳，我嚟得呢度，當然唔可以錯過佢哋嘅招牌蘋果批！佢哋嘅批，批皮係手工製造，加入慢煮厚切富士蘋果粒，經過兩次烤焗，最後填入日本直送嘅豆乳忌廉＋吉士忌廉製成。我好怕啲酥皮太「酥」，一咬就成口、成枱碎，佢哋呢隻嘅批皮因經過兩次烤焗，批皮外層脆薄，內層卻煙韌，咬開都係撕開嘅感覺，食上口好層次感，唔會食到好「撓較」。另外，我好鍾意佢哋嘅忌廉，清甜不膩。可能因為豆乳忌廉，中和返吉士忌廉嘅油膩感，再外