うなぎ四代目菊川

喺銅鑼灣行街想搵個舒服地方晚餐，諗起呢間鰻魚飯「うなぎ四代目菊川」。
餐廳環境闊落，裝修雅致，坐得舒服，啱晒傾下計。

「鰻燒和牛三食」
賣相好靚，有原條蒲燒鰻魚、宮崎A5和牛丼、鰻肝湯、腌菜。
有三種食法好有儀式感。
第一啖試原味，蒲燒鰻魚嘅醬汁甜甜地，唔膩，肉質好軟熟；和牛入口即化，油脂感好滿足。
第二食，加咗紫菜、wasabi同蔥花，口感即刻豐富起嚟，wasabi嘅微辛更加帶出咗肉嘅鮮味。
最後茶湯泡飯絕對係完美結尾。倒入熱湯變成茶泡飯，味道頓時變得清新，解咗之前嘅膩滯感。

#香港美食

另外都試咗「一本白燒」，
白燒係冇醬汁，食到鰻魚原味同炭香！

2

13