勝手

营业中

休息中

銅鑼灣登龍街有間日式居酒屋，仲提供卡拉OK，有得唱歌，又有正嘢食。整體食物質素高，環境高雅，座位幾舒適，同三五好友過來聚一聚的確唔錯嘅選擇。酒盜芝士酒盜－好令人好奇嘅名字，其實意思係指以醬料醃漬過嘅海鮮，呢一道前菜有芝士、烏賊漬、青瓜片同餅乾。將濃郁嘅醃漬物或者芝士粒粒放喺餅乾或青瓜上面，味道啱啱好，唔錯嘅開胃下酒菜。北海道千歲豚肉火鍋一人前套餐依排天氣咁凍，點咗個shabu shabu火鍋暖暖胃啦。雖然係份量一人份，不過都幾多配菜。來自北海道千歲嘅豬肉切成薄片，色澤粉嫩，肉質柔軟細膩，味道好清淡，唔會帶有豬異味。而且白色帶脂肪部份，分佈得好均勻。另外配料仲有新鮮嘅蔬菜、豆腐、金菇、麵條。個火鍋湯底清甜，唔會太濃味，蓋過食材嘅鮮味。