名館 (已結業)

希慎食飯的選擇好多，隨便選，今晚試左14樓的名館。應該算係新派中菜，環境光猛舒服，唔會好似酒樓咁嘈。糖心黑蒜燉響螺。裡面材料夠晒多，響螺煮得夠林，黑蒜好香，湯亦都好甜，肉就唔知，因為都唔鐘意食煲湯肉。厚切义燒皇。肥瘦相若，唔UN，邊邊有小小燶邊，肉冇燒到乾爭爭，都juicy，唔錯。鮮藍梅一口骨。士多啤梨骨就食得多，配藍梅係第一次試，肉炸得唔會油，加上甜甜酸酸既藍梅醬，好岩配白飯。覺得再落多啲芝麻會仲香。自製菌皇醬蒸淮山。一向都鐘意食淮山，鐘意佢健康有益，醬汁有好多菇粒，加上淮山一齊食都真係唔錯。