影片
更多
2022-07-26
15 浏览
前幾日同朋友去左位於銅鑼灣冠景樓2樓嘅九龍城同撈同煲食晚餐。上到去嘅時候大概7點，唔洗等就入得座。餐廳裝修以舊香港為主題，有好多6，70年代嘅擺設同壁畫，仲播住舊歌，好似番到去以前嘅香港。餐廳邊爐選擇種類多，由菜，牛豬肉到海鮮都應有盡有，我地諗左好耐先決定到食咩。◽️咸蛋芥菜湯味道：8/10價錢：$118今次揀左個較清淡嘅湯底，未落火鍋料前可以先飲啖湯，味道香濃，飲落鮮甜、而且好足料，仲有瘦肉。◽️本地手切牛肉（半份）味道：8/10價錢：$278份量而兩人黎講絕對足夠，望落新鮮，肥瘦均衡。食落好香牛味，幾有口感，點少少豉油都夠曬味。◽️秘制豬頸肉味道：7.5/10價錢：$78豬頸肉有4串，每舊都肥厚，食落彈牙有口感！◽️聖子皇味道：8.5/10價錢$136聖子王幾厚肉，食落幾滑口，而且鮮甜。餐廳仲好細心俾個鋼筲箕我地，以防淥淥下搵唔到！◽️牛丸味道：7.5/10價錢：$48手打牛丸，幾彈牙而且幾香牛肉味◽️水魷味道：7.5/10價錢：$58食落爽彈，幾有鮮味，而且好索湯，入曬湯底味！另外我地仲叫左兩款菜，食落都幾新鮮而且份量多。餐廳最後有兩個免費甜品，分別係糖不甩同啫喱。糖不甩造形精緻，係一條錦鯉
餐廳裝修以舊香港為主題，有好多6，70年代嘅擺設同壁畫，仲播住舊歌，好似番到去以前嘅香港。
餐廳邊爐選擇種類多，由菜，牛豬肉到海鮮都應有盡有，我地諗左好耐先決定到食咩。
◽️咸蛋芥菜湯
味道：8/10
價錢：$118
今次揀左個較清淡嘅湯底，未落火鍋料前可以先飲啖湯，味道香濃，飲落鮮甜、而且好足料，仲有瘦肉。
◽️本地手切牛肉（半份）
味道：8/10
價錢：$278
份量而兩人黎講絕對足夠，望落新鮮，肥瘦均衡。食落好香牛味，幾有口感，點少少豉油都夠曬味。
◽️秘制豬頸肉
味道：7.5/10
價錢：$78
豬頸肉有4串，每舊都肥厚，食落彈牙有口感！
◽️聖子皇
味道：8.5/10
價錢$136
聖子王幾厚肉，食落幾滑口，而且鮮甜。餐廳仲好細心俾個鋼筲箕我地，以防淥淥下搵唔到！
◽️牛丸
味道：7.5/10
價錢：$48
手打牛丸，幾彈牙而且幾香牛肉味
◽️水魷
味道：7.5/10
價錢：$58
食落爽彈，幾有鮮味，而且好索湯，入曬湯底味！
另外我地仲叫左兩款菜，食落都幾新鮮而且份量多。
餐廳最後有兩個免費甜品，分別係糖不甩同啫喱。糖不甩造形精緻，係一條錦鯉魚黎，食法首先要浸湯底，再沾上花生芝麻碎，食落煙韌入味。
而啫喱就正常味道。
张贴
