同朋友慶生 早早預訂左銅鑼灣呢間居酒屋
生日甜品 訂座果陣就要預訂埋
咁先可以俾到驚喜朋友🥰
FireBird係一間日式居酒屋
銅鑼灣B出口行去幾分鐘就到好方便
餐廳裝修偏日系
已經佈置左聖誕裝飾 充滿氣氛
環境寬敞舒適
予人輕鬆快樂既感覺😉
食物以日式為主 串燒 燒物 主食 甜品都有
仲有各式日本酒雞尾酒咁
我地叫左幾樣野SHARE食
最後為朋友送上驚喜 開心咁慶生🥳
💥明太子伴玉子燒
一客4件 上面有明太子蓉同蘿蔔蓉
配上玉子燒 蛋味香濃鬆軟 😉
💥豆腐牛舌煮
好少見到呢道小食 有驚喜
好多牛舌粒 軟稔入味
再夾埋蘿蔔片同豆腐一齊食 幾有趣既口感😏
💥重量級火焰原隻鷄腿
FIREBIRD既招牌 必點之選😈
店家係我地面前加入酒精
點起熊熊火燃 打卡一流
之後仲會幫手切件
雞肉岩岩燒完外脆內嫩😋
食落肉汁豐富 帶點辣 正
💥串燒
即叫即燒 火喉夠 調味OK 又幾正
🔸自家製免治雞肉棒
雞肉好JUICY食落仲有D口感
再配上蛋黃 香滑惹味😉
🔸長蔥雞腿串
雞腿肉嫩滑 夾住長蔥食 超夾😊
🔸牛舌
一客2串 牛舌厚切肉厚
成個好重牛味 加點黑椒更惹味😌
🔸車厘茄豚肉串
呢個配搭好清新 上面仲有D芝士添😀
💥松葉蟹肉稻庭烏冬
呢個烏冬比較濃郁厚身
烏冬吸收左湯既精華又彈牙
仲有滿滿既松葉蟹肉 無比鮮甜😎
2
💥自家製草莓大福
預訂時特登叫店家寫生日快樂🥳
賣相唔錯 有儀式感 又俾到驚喜朋友
大福軟糯香甜 餡料用上草莓同紅豆😄
💥草莓Smoothie
粉紅色MOCKTAIL 帶草莓既酸甜 幾清甜😆
💥Lychee Frozen
淺藍色既MOCKTAIL
帶淡淡荔枝 檸檬香 清新🙂
