更多
2023-12-11
1165 浏览
《Hungry Monkey - 铜锣湾》食日式铁板烧价钱唔一定好离地既,呢间马骝仔我间中都会带朋友黎食饭,唔洗好似传统日式铁板烧咁一定要叫set,可以按照自己想食同埋喜好去决定叫菜,而且食物嘅种类好多,饮住highball食铁板烧,感觉比起传统坐吧枱嘅铁板烧casual少少但又不失风味😉一共有两间分店,而我就觉得铜锣湾呢间就更热闹同埋更有日本风味💁🏻♀️头盘沙律 $28头盘次次都系我好钟意食嘅冻蕃茄,用咗酸酸地嘅汁配搭,餐厅落咗啲炸蒜同埋香葱令到佢嘅味道更加鲜味同埋有层次,头盘食呢一个可以清一清个口腔,准备接住落嚟嘅菜式👍🏻我每次都必点💁🏻♀️辣酒冻风螺 $68呢度嘅东风螺唔系用咗日式制作嘅方法,佢嘅口味反而带少少麻辣,但系个酱汁又有少少甜甜地几特别,甜味可以帮忙中和到个麻辣,用嚟送酒一流💁🏻♀️厚烧牛舌 $128我个人都几推荐呢个厚烧牛舌,佢价钱唔算好贵,而且份量都唔少,如果钟意食牛舌的话,你一定会喜欢佢𠮶个爽口弹牙但系入面又好嫩嘅口感👍🏻简简单单用盐调味已经好好食,师傅将佢煎到七成熟左右,入面仲保存左肉汁,所以就算冻咗你咬落去都唔会觉得好韧,口感仲系好软嫩的💁🏻♀️铁板活北寄贝
食日式铁板烧价钱唔一定好离地既,呢间马骝仔我间中都会带朋友黎食饭,唔洗好似传统日式铁板烧咁一定要叫set,可以按照自己想食同埋喜好去决定叫菜,而且食物嘅种类好多,饮住highball食铁板烧,感觉比起传统坐吧枱嘅铁板烧casual少少但又不失风味😉一共有两间分店,而我就觉得铜锣湾呢间就更热闹同埋更有日本风味
💁🏻♀️头盘沙律 $28
头盘次次都系我好钟意食嘅冻蕃茄,用咗酸酸地嘅汁配搭,餐厅落咗啲炸蒜同埋香葱令到佢嘅味道更加鲜味同埋有层次,头盘食呢一个可以清一清个口腔,准备接住落嚟嘅菜式👍🏻我每次都必点
💁🏻♀️辣酒冻风螺 $68
呢度嘅东风螺唔系用咗日式制作嘅方法,佢嘅口味反而带少少麻辣,但系个酱汁又有少少甜甜地几特别,甜味可以帮忙中和到个麻辣,用嚟送酒一流
💁🏻♀️厚烧牛舌 $128
我个人都几推荐呢个厚烧牛舌,佢价钱唔算好贵,而且份量都唔少,如果钟意食牛舌的话,你一定会喜欢佢𠮶个爽口弹牙但系入面又好嫩嘅口感👍🏻简简单单用盐调味已经好好食,师傅将佢煎到七成熟左右,入面仲保存左肉汁,所以就算冻咗你咬落去都唔会觉得好韧,口感仲系好软嫩的
💁🏻♀️铁板活北寄贝 $108
今次我同朋友叫咗海鲜试吓,其中一样系当日 厨师推介嘅铁板活北寄贝,餐厅用咗炸蒜同埋牛油调味,北寄贝软滑又带有浓香既牛油味😋
💁🏻♀️蛏子 $136
蛏子同北寄贝嘅口感又有少少唔一样,佢反而爽口一点,食到少少海水味同埋炸蒜嘅香味,同样咩都唔使点就已经好好食啦,食得出鲜味
💁🏻♀️铁板帆立贝 $68
帆立贝口感香滑软糯,师傅将两边微微用牛油煎香,再用咗少少酱油调味,烧嘅时候超级香😎咬落去肉汁同鲜味出晒嚟👍🏻记住趁热食先至食得到𠮶种黏黏嘅感觉😋大爱
💁🏻♀️明太子御好烧 $178
呢一度一向都出名御好烧,今次就叫咗明太子口味的,咸香味十足而且食到多重口感,有椰菜嘅爽脆、明太子沙律酱嘅香浓、御好烧嘅软绵绵、紫菜同埋红姜嘅清新等等,呢一个配搭好惹味😋好食
💁🏻♀️松叶蟹肉海胆炒饭 $158
其实叫咗御好烧就唔应该叫炒饭嘅😂不过两样都好想试冇办法,个蟹肉海胆炒饭你会真真正正见到有蟹肉丝同埋海胆喺个饭入面,淡淡都有海胆肉嘅鲜甜,个饭入面有啲细葱同埋炸蒜头🧄而且饭粒粒粒分明够干身,都真系几好食㗎,不过建议两个人食的话,主食拣炒饭或者御好烧是但一样好啲,如果唔系就太饱喇
💁🏻♀️朱古力香蕉 $28
呢个朱古力香蕉期间限定,之后就会有一段时间冇得食啦😢当日见到其他客人叫嘅时候觉得好得意,佢其实就系即制嘅香蕉朱古力蛋糕,有啲似日本好热卖𠮶个香蕉蛋糕手信咁,但系佢嘅外皮系脆脆的,而且入面吱满咗香蕉酱同埋朱古力酱,新鲜滚热辣拎到你面前嘅口味零舍唔同,特别好食的👍🏻如果见到呢部机仲喺餐厅门口就记住一定要叫啦😎我真系超钟意呢个甜品😘外型可爱而且又好好味,特别系用嚟装住朱古力香蕉蛋糕嘅𠮶条蕉皮😳原来食完𠮶条蕉皮仲可以拎返屋企的🥰虽然唔知之后可以用嚟装咩,但系我真系好钟意条蕉皮好得意😎
💁🏻♀️梅干 威士忌割水 $68
食铁板烧又点可以冇酒水呢?😝我今次就试咗梅干Highball😉 相比起传统嘅highball味道会多咗一层酸甜,饮落清新爽口,而且粒梅干都腌得几好食,想试吓新口味嘅highball不妨叫黎试下
张贴