影片
更多
2021-06-20
3041 浏览
紀念日同節日通常都係食西餐或者日本野，今次就諗住試下中菜😌位處渣打銀行總行地庫嘅卅二公館Mott 32一向好受歡迎，佢地嘅招牌叉燒同片皮鴨更加係要提前預訂，先到先得，呢日有人生日就同佢試下啦🐨🐨燈影牛肉 $125呢道四川名菜我都係第一次食，其實佢即係麻辣牛肉片🥩，但因為佢薄到透光，好似皮影戲所以先得到呢個美名。呢到嘅燈影牛肉絕對對得住自己個名，用筷子夾起牛肉片，係燈光下睇，見到肉片呈半透明，更加透出清晰嘅絲絲肉紋理(圖3）。肉片炸得香脆酥化，而且麻辣得黎🌶唔會令你係咁飲水，肉味齒頰留香，推薦一試。🐨椒鹽鮮鮑魚仔 $280鮑魚炸得好好，唔會太韌咬唔到，椒鹽味都幾出，可惜鮑魚本身無咩味，味道上無咩特別。比起燈影牛肉，呢道小菜就差咁啲啦。⭐️⭐️⭐ 🐨42天飼養北市片皮鴨（蘋果木燒）$750燈燈燈凳！主角出場！呢到嘅片皮鴨係訂位個陣預訂，落座之後廚房就會自動波燒隻鴨，大約45-60分鐘燒好，直接原隻係你隔離片好再上碟，配埋醬汁、配菜（青瓜+蔥絲）、面皮享用，所以前面嗌嘅野食都只係為左等隻鴨而嗌嫁炸🤣🤣（記得留肚食鴨啊！）🦆其實隻鴨係預3-4人食嘅，但因為太想試佢，所以我地就算得兩個人都係照訂左🤓
🐨燈影牛肉 $125
呢道四川名菜我都係第一次食，其實佢即係麻辣牛肉片🥩，但因為佢薄到透光，好似皮影戲所以先得到呢個美名。呢到嘅燈影牛肉絕對對得住自己個名，用筷子夾起牛肉片，係燈光下睇，見到肉片呈半透明，更加透出清晰嘅絲絲肉紋理(圖3）。肉片炸得香脆酥化，而且麻辣得黎🌶唔會令你係咁飲水，肉味齒頰留香，推薦一試。
🐨椒鹽鮮鮑魚仔 $280
鮑魚炸得好好，唔會太韌咬唔到，椒鹽味都幾出，可惜鮑魚本身無咩味，味道上無咩特別。比起燈影牛肉，呢道小菜就差咁啲啦。
⭐️⭐️⭐ 🐨42天飼養北市片皮鴨（蘋果木燒）$750
燈燈燈凳！主角出場！
呢到嘅片皮鴨係訂位個陣預訂，落座之後廚房就會自動波燒隻鴨，大約45-60分鐘燒好，直接原隻係你隔離片好再上碟，配埋醬汁、配菜（青瓜+蔥絲）、面皮享用，所以前面嗌嘅野食都只係為左等隻鴨而嗌嫁炸🤣🤣（記得留肚食鴨啊！）🦆
其實隻鴨係預3-4人食嘅，但因為太想試佢，所以我地就算得兩個人都係照訂左🤓不過其實最後片出黎都係得三碟，一碟剩鴨皮，兩碟鴨皮加鴨肉，都唔算真係好多嘅，不過配埋佢提供嘅面皮同配菜（可以無限添加），就真係幾飽🤣
味道係唔錯嘅，都幾好食！鴨皮好香口，完全無脂肪係上面；鴨肉嫩滑有油香，一啲都唔鞋。不過我覺得整體黎講鴨味唔算好濃郁，都食唔出蘋果木嘅香味，呢個程度嘅好味，其實係預計之內，唔算有驚喜。
🐨馬拉盞蝦乾黑豚肉碎芥蘭煲 $160
唔知係咪張枱太細，芥蘭煲係我地食完成隻鴨先上菜，其實我地已經好飽😂同埋中間食鴨食到厭，如果可以食鴨個陣上埋就好啦～芥蘭好嫩好好食🥬配埋啲配料好似大排檔啲小炒咁惹味！份量唔算好多，我地竟然都食得哂🤪
🐨綠茶青檸乳酪蛋糕 $125
有驚喜嘅甜品！佢地呢到嘅甜品都幾出名嫁，幾乎個個去到都會食，因為佢地設計都幾新穎。本身想試佢地最出名嘅豉油雪糕，不過個日無提供，就係「龍鬚糖」同呢個蛋糕揀左個啦。
佢其實係一個解構版綠茶蛋糕，外形睇落就好似一盆盆景咁，綠茶蛋糕下面係牛油餅碎同埋青檸乳酪雪糕，蛋糕入口即溶，綠茶味唔重，反而係青檸雪糕個味更加出，酸酸甜甜好解膩，都幾推薦。
✨整體黎講都幾滿意呢到嘅食物質素（雖然價錢唔平🥲）即使係中餐都好有格調，而且Staff服務都好周到，無論係慶祝紀念日，定朋友小聚都幾適合啊～
张贴
