金鶴拉麵 (九龍城道) (已結業)

最近疫情嚴重，搞到個人都好無聊，成日都係屋企煮飯仔，食到好悶！見到拉麵原來都有得分湯，咁就唔使擔心搞到啲面林晒啦。呢一間拉麵店外賣自取仲有八五折優惠，咁我同屋企人一於叫三款唔同嘅拉麵帶返屋企，雞白湯、鹽味、醬油味總共三款，每一款湯底都各有特色，如果鍾意仲可以share試下，都幾方便～ 我個人就最鍾意雞白湯，雞味香濃，質感係比較滑身，食得出有好多雞嘅成份，鹽味同埋醬油味都係帶有少少咸香，味道都好吸引，而味道清香少少，醬油味味道較為濃但係唔會太鹹，口味合適！除湯底之外，裏面嘅麵質都好彈牙，質素唔錯，仲有好香甜的糖心蛋，獨立用保鮮紙包裝嘅紫菜配料 ，除咗覺得好食之外，仲好佩服香港人打不死嘅精神。