鋮記一品粥鋪 (已搬遷) 新店位置

唔明點解一間店會有兩個名，出面寫住鋮記，裡面又寫住金源，不過唔理叫乜，D粥真係唔錯，尋晚同老婆行過，入去試下，我叫左魚卜粥，老婆叫左田雞粥。先講我碗粥，魚卜唔係到到有得食，味道雖然冇魚片魚腩咁鮮味，但都唔錯，最誇係成碗都係魚卜，成十個都有。D魚卜全部用鑊爆過先放粥，又香又爽。老婆碗田雞粥好鮮味，田雞亦好嫩，兩碗粥每碗$26蚊，雖然好似貴過出面，但真係真材實料，因為唔係太餓，想叫碟白灼及弟都唔得，下次黎要再試下魚鮫粥先得。