街坊Cafe (已結業)

今晚食左個好好味既cafe。cafe環境好新穎，又有啲香港復古懷舊既味道，好特別。叫左個豬手set dinner黎食。首先黎左個熱辣辣既碗仔翅。呢個碗仔翅都煮得幾好味。唔洗落醋，味道已經好夠。足料，好多冬菇。之後我隻豬手終於黎。大大舊豬手，已經幫我起左骨，好貼心。豬手整到好香脆。豬皮係脆卜卜，而且入邊整得唔會太乾，外脆內軟既豬手，好好味。除左豬手，仲有薯條，茄子，蘿蔔，蕃茄，長豆等等。好多顏色，全部都健康野，加分既！豬手點醬汁味道都好夾，好味。食完飲返杯熱檸水，凍既天氣飲返杯熱飲，同埋健康野清下肚。個感覺好舒服。呢間野野食真係唔錯，下次再黎。