青衣美食城 (已結業)

今日晚上七時多買野食，阿姐成日唔肯翻炸雞比, 推三推四, 又無野做, 終於比我費盡唇舌講掂佢翻炸, 跟住有個細路要三寶, 阿姐居然叫個細路唔好食佢地D up dup野，叫佢叫老豆老母帶佢去食壽司，我明白阿姐大熱天時卅幾度熱左成日真係好辛苦，但都唔洗咁倒米叫D客過主，跟住又HOLD住我盒炒飯唔叫number，我明白呢份工又辛苦又熱又企十幾粒鐘，又受氣，阿姐做得咁唔情願真係唔好做，做d有冷氣的地方好過啦！無謂你受d客氣，d客又受你氣。另外，食物總係有種油益味。尤其是即整腸粉。炒飯/河d肉片好怪。兩餸飯冷飯菜汁。燒味叉燒好硬。剩係沙爹牛車仔麵果邊d野食可以接受。