蟹仙海鮮蒸碢大公館

营业中

休息中

網上見呢間嘢推介好吸引，膽粗粗黎試下！今日同d同事放工去食海鮮，店長都好細心為我地介紹左海鮮，講解一次點食法。首先，上條魚幾好都好滑，有青口、蜆，我一向怕腥唔鍾意食青口，呢個青口出乎意料地新鮮仲有海水味，連d汁都甜。接住有元貝，蒸完d汁好多，又鮮甜！個蠔雖然唔大，但勝在新鮮。有越南虎蝦，大大隻肉質好實。重頭戲係龍蝦、蟹，龍蝦肉質好實，好多汁，蟹係我最欣賞嘅，多膏多肉，完全唔腥，非常有蟹味！我地唔夠食叫多越南虎蝦，肉類拼盤，d雞同牛豬肉都唔差，雞好滑好有雞味。飲品叫左鹹寧七，好好飲。最後，食埋精華海鮮粥真係不得了，冇味精，夠味又甜！店員非常有禮貌，戴住口罩都睇到有笑容，經常同我地傾計介紹佢地舖頭特色，見到佢地對工作好有熱誠，對客人好細心，服務質素一流👍🏻尤其店長對待客人好似朋友咁，令到客人賓至如歸咁開心！如果鍾意食海鮮朋友，又想坐得舒服，仲可以享受到咁好服務，一定要黎呢間食海鮮，食過反尋味👍🏻😍