鴻興海鮮燒鵝食家

营业中

休息中

重陽節同幾個朋友入元朗行屏山文物徑，然後再去朋友屋企，佢又帶我o地o黎食脆皮燒腩肉，今次人多關係可以比上次食多幾樣小菜。入秋關係已有羊腩煲出場，6個人orded了一個細煲，加埋兩棵大生菜，分量十足，全煲最好味係冬菇，厚身彈牙而且吸晒d羊腩汁，羊腩亦炆得夠火喉。除了上次燒腩肉食完返尋未，今次再加多燒鵝同叉燒的中併盤，而今次燒腩肉皮都夠脆，但唔夠熱，燒鵝都係深井個d好食。雜菜煲又係好大煲，好香南乳味，又唔太咸。生炒骨就一般，不是十分突出；白灼西蘭花，雖然是白灼，都好夠味(落了味精都唔出奇)，最緊要係夠爽口。每碟分量都唔細，所以6個人5碟，都食到好飽。