大家樂 (英皇道)

营业中

休息中

夜晚收到屋企人電話，話今晚唔煮飯了，要出街食，叫我到屋企樓下大家樂等。咁啱晒啦屋企樓下間大家樂已經重新開返啦。食咩好呢……我都係食返自己最愛嘅粟米肉粒飯，凍奶茶。啲肉粒都幾大粒嘅，粟米醬都比得好多，唔洗話唔夠撈飯搞到好乾咁。又有啲炒雜菜同蘿蔔做配菜，夠健康呀！飯量都夠，差啲食唔洗，好飽！我阿媽就食海南雞飯，熱奶茶。雞上面有審到芝麻，又有荷蘭豆做配菜。呢個就麻麻地啦，阿媽話佢個雞胸好偕，唔夠滑。不過佢個雞油飯都真係幾好食，淨食飯都好夠味了。