吉野家 (已結業)

由於屋企附近無吉野家，所以我都幾少食，而且嗌都係嗌牛肉飯，今次的三文魚蟹籽飯對個人而言幾新鮮蟹籽加上三文魚碎的配搭不錯，幾好味，三文魚碎比想像中好吃，三文魚味好濃郁，而且不會有腥的感覺。蟹籽係成個飯到有配角嘅感覺，味道雖然不突出但勝在有口感，一堆蟹籽放入口中好有滿足感。再加上三文魚碎的配搭，令整個口感更豐富，而且加上芥末粒就更惹味，幸好不算太辣。不過大大碗飯只在上面舖了一層，當食到下面無料嘅白飯就倍感空虛，希望可以多啲料啦。$41算係可以接受（當然最好可以平啲），份量對女孩子來說都幾飽肚，而且感覺又唔肥膩。如果唔想用咁多錢又食到飽飯，吉野家是不錯的