馬祖台灣養生湯麵館 (和安里)

星期六下午兩點諗住食lunch ，menu 單一，清一色藥膳湯底，碗都係幾粒杞子同十零粒切半紅棗，估佢應該係雞湯溝出嚟，唔緊要啦，試下醉雞米線。

🥢養生藥膳醉雞米線 $69

麻麻

$69

冇其他圖咁靚架，實圖係咁。
木耳幾件，雞胸兩件、小雞脾一件、上雞脾一件，米線，加一汁芫茜，冇啦。

問侍應有冇清水一杯，佢話冇架，礦泉水$8枝，原來其他飲品都大致係紙包，咁我就算啦。

米線正常，醉雞冇乜酒味，雞胸肉厚肉但好鞋，雞脾位都麻麻地嫩滑，雞皮有陣怪味冇食。雞湯飲得嘅，唔算油，但冇乜藥膳味。呢個價錢我去譚仔餐廳，可以嗌幾個小食仲有嘢飲又食得飽，完全係伏。

建議去其他地方食雞，水都冇杯，就得呢碗嘢。