影片
更多
2016-01-04
678 浏览
人工智能系統啟動，醉後自動到達馬仔記 ﹗AI 暴走，獨獨醉後宵夜食幾個點心加埋飯，癲左，第二朝起身隨時飽到嘔。AI 自動波黎馬仔記搵食，照舊醉後一盅兩件，幾乎每次都係依位苗條短髮姐姐招乎，殷勤又有禮貌，真係唔該晒。清晨六點食早飯？定係食宵夜？爆醉的我已搞不清楚。飲左一支多紅酒 high high 地，AI 又話我知要食野喇，先去魚滑食碗牛腩河，但都未夠喉，再搭的士去馬仔記食盅排骨飯加籠雞紮，最後整多罐可樂，爽晒！食到癲左！發現跟上次醉後食既野一樣既？又係雞紮加排骨飯，但多左碗牛腩河做前菜囉 ﹗水晶蝦餃、乾蒸燒賣，依兩款活寶貝永遠都係形影不離，有蝦餃就會有燒賣，脣齒相依 ﹗好多時睇一間食肆點心做得出唔出色，最先都係蝦餃燒賣打頭陣。因為好睇師傅手藝、食材質數及能否好好掌握蒸煮既時間，樣樣都考功夫考經驗。水晶蝦餃，蝦爽味濃，仲有筍粒添，係餃皮硬了一點點，滿意既。蝦餃餡料合格，蝦仁鮮味仲混入筍粒加強口感，正呀 ﹗係餃皮太厚又唔夠滑，有點美中不足。雖皮厚帶乾，但蝦爽味濃，都合格既。乾蒸燒賣，啖啖豬肉，質感鬆軟，一啖一粒勁開心，豬肉香濃又帶肉汁，而且唔係太肥，可接受。燒賣添上少許橙色咸蛋黃粒粒作點
水晶蝦餃、乾蒸燒賣，依兩款活寶貝永遠都係形影不離，有蝦餃就會有燒賣，脣齒相依 ﹗好多時睇一間食肆點心做得出唔出色，最先都係蝦餃燒賣打頭陣。因為好睇師傅手藝、食材質數及能否好好掌握蒸煮既時間，樣樣都考功夫考經驗。水晶蝦餃，蝦爽味濃，仲有筍粒添，係餃皮硬了一點點，滿意既。蝦餃餡料合格，蝦仁鮮味仲混入筍粒加強口感，正呀 ﹗係餃皮太厚又唔夠滑，有點美中不足。雖皮厚帶乾，但蝦爽味濃，都合格既。
乾蒸燒賣，啖啖豬肉，質感鬆軟，一啖一粒勁開心，豬肉香濃又帶肉汁，而且唔係太肥，可接受。燒賣添上少許橙色咸蛋黃粒粒作點綴，真係生色不少，雖然無味道。豬肉只混入少量脂肪，所以不太肥，唔會食到成口油淋淋，味道較清爽舒服，如果質地可以結實一點、更有彈性一點就更開心一點啦。啖啖香濃豬肉，肥膏唔多唔會油淋淋，好味道，不過質感略散，唔夠結實彈牙。
四寶雞紮，我唔食芋頭架呢 ﹗挑走後熱辣辣成碌隊入口，一次過享受多重快感 ﹗雞柳嫩滑多汁又結實、魚肚爽甜索盡精華、豬肚爽中帶嚥韌，仲有捲住佢地既腐皮同樣美味。魚肚爽口滑溜，盡晒雞汁又無腥或油益味，好好食啊。雞件結實有嚼勁，雖然滑感欠佳，但味道香濃，滿意。豬肚嚥韌無苦澀味，爽彈感稍遜。用腐皮捲住一齊食，多重味道跟質感，無投訴。 大大舊爽滑魚肚索盡雞柳精華、雞柳味濃又結實、豬肚不苦不澀、腐皮香口嚥韌，所部食晒無得剩，但掉左我唔食既芋頭呢。何時才唔再用芋頭呢？我由細到大都唔多食架，如果改用蟹柳、鮮淮山或火腿條就正喇。
排骨飯，加埋自家秘製甜豉汁都非常好味，食唔停口。原盅蒸排骨飯，排骨既香味及肉汁已滲透每粒飯之中，食既時候散發出淡淡豬肉味道，高水平既演繹。點解今日既排骨飯特別好食既？超水準表現，排骨同飯粒都神級好，簡直超越左大埔林記及新明發，勁 ﹗排骨香濃多汁軟棉鬆化多肉少骨，正到絕 ﹗飯香撲面而來，乾爽嚥韌飽滿飯粒撈上清香甜美自家豉油係舌頭上翻滾，好味道 ﹗情緒失控地不停送飯連排骨入口中，直到完全消滅方可以停止呢 ﹗
馬仔記排骨飯係上水有絕對領域，暫時都無人能及。馬仔記排骨飯係上水黎講堅屬中上級水準，點盅皇、街市城記、稻香、金都都唔夠佢好呢。排骨啖啖肉，又香又甜半肥瘦，高質。白飯飯香濃厚，加上清爽甜豉油夠醒胃，一啖接一啖，唔好比佢停 ﹗醉爆零晨四點仲要去買雞紮排骨飯食囉，已經飲到成肚水，要食宵夜，好很飽呀！飯香、飯粒飽滿乾爽又嚥韌，排骨香甜無比、肉多骨少、肥瘦適中，自家甜豉油味道清爽、濃而不濁不嗆、開胃醒神。大大啖飯配上排骨齊齊送入口，正呀 ﹗
鳳爪排骨飯，點解會有鳯爪排骨飯既？一向係淨排骨飯架喎，我對損腳指依家野喜好不大呢。豉汁鳳爪大路隱陣，甜味濃厚，肉質鬆化。排骨依舊甜美肉多又半肥瘦，再用飽滿爽乾飯粒包住送入口，好好食呢 ﹗清香甜豉油錦上添花，成碗食轉眼消滅。醉前忍住唔食炸雞髀，但醉後 AI 啟動，勁食點心加鳳爪排骨飯囉！
水晶蝦餃、乾蒸燒賣
24 浏览
0 赞好
0 留言
水晶蝦餃、乾蒸燒賣
12 浏览
1 赞好
0 留言
水晶蝦餃、乾蒸燒賣
13 浏览
1 赞好
0 留言
四寶雞紮、排骨飯
12 浏览
1 赞好
0 留言
四寶雞紮
14 浏览
0 赞好
0 留言
四寶雞紮
6 浏览
0 赞好
0 留言
鳳爪排骨飯
17 浏览
0 赞好
0 留言
排骨飯
5 浏览
0 赞好
0 留言
排骨飯
10 浏览
1 赞好
0 留言
排骨飯
18 浏览
0 赞好
0 留言
张贴
