和幸吧 (已結業)

我最喜燒烤，但燒得多點都想搞吓新意思，從未試過日式烤肉店，當然點都要會一會佢，我既第一次就揀左和幸，碳爐黎架 ~ 座位算選露台，空氣流通、開揚、寧靜、足夠私人空間、街景、舒服，好正呀，如果望到海就好喇 ~ 侍應們招乎都幾細心同有耐性，會推介及講解菜式，滿意。現時好流行既碳爐，但唔多了解佢既構造，棕櫚碳可長時期保持溫火，好穩定，燒左兩個鐘都依然強勁，好環保咁喎。剛才等朋友開飯，一個人飲左整支白酒，依家正式開飯又再飲清酒，不過好采我醉後無事，依然能行得、走得、食得、飲得。糊麻鮮茄沙律，先黎個清清地既沙律開吓胃先，蕃茄非常新鮮多汁，又雪得夠凍，跟埋生菜同糊麻醬，勁清新又醒胃。辛辣海鮮湯，小辣，十分鮮味，大量海鮮落足料，配埋什菜又鮮甜，青口、扇貝、大蝦、魷魚、蟹柳、娃娃菜、小唐菜、什菌、金菇、等等，酸酸辣辣暖笠笠，好正呀。厚切牛舌，原先 order 薄薄切，但侍應熱情推介，就信佢啦，侍應哥哥還提點先燒乾四面鎖住肉汁，再慢慢燒熟。果然口感彈牙、肉質彈牙、外脆肉嫰，牛味香濃、肉汁豐盈，美味美味。鵝肝漢堡，豬肉裡面釀入鵝乾，外面既漢堡已經煎就左架喇，只要燒香佢、外層香脆、裡面既鵝肝熱辣辣就食得架喇。