甜牙牙 (已結業)

大家好，小女子首次执笔写食评，请大家多多支持！系度我先以一个大微笑表示我对甜牙牙的满意程度。琴晚系尖沙嘴上完调酒堂，试完唔同既vodka，可能因为酒精效应觉得冻冻地，谂住食返D热既甜品平衡下就最好，咁就心血来潮去甜牙牙试试佢名气最大的waffle!我揭开本menu,谂都唔使谂就拣左最合眼缘的香蕉waffle配tiramisu。来到的时候，waffle的卖相出符意料的同menu九成相似，感觉比厚福街朋友既出品黎得似模似样！我先试佢用来点缀的香蕉，虽然只得小小的几块，但味道清甜，熟度适中，超出左香蕉用来伴碟的作用，提升为平衡waffle,雪糕同tiramisu味道之间的桥梁。另外吸引眼球既系舖成金字塔样子的waffle小塔，目测应该是用一长方waffle切割成各不同大小既三角形堆砌而成，在本港同级的甜品店来说，卖相算得系好唔错。男朋友带女朋友黎食甜品，应该系一个唔会比佢打的优良选择。讲返重点-食物的质素，waffle皮脆内容烟韧，口感实为不错。我点既系原味，味道偏淡，但奶味突出，配上vanilla味既雪糕食，味道就岩岩好，唔会过甜，岩晒我黎D要保持体态优美，又禁不起甜品诱惑既女子。再讲讲t