行行下，去左酒店入面嘅美食廣場。
行左一個圈，朋友揀左海南雞飯，咁我就同佢食同一間啦。
海南雞飯一人餐
一人餐入面包左一碟菜，一碗足料肉骨茶，一碟雞，同一碗飯。可以揀白飯或者油飯，咁我就梗係揀油飯啦。
油飯夠味而且粒粒分明，唔太油，亦唔會乾，是碗整得好嘅油飯。
生菜就正常發揮，唔會煮過火。
肉骨茶超足料，仲有勁濃的當歸藥材味。
海南雞最重要的雞，嫩滑有汁唔會鞋口。如果想食濃味，有黑豉油，蔥油同辣醬可以蘸。
最後仲有包啫喱仔做甜品， 係幾有趣。
朋友就嗌左海南雞喇沙
喇沙聞落好香，而雞同我果碟份量差唔多，水準相若。
最驚喜係有live band, 食住飯，聽住歌， 體驗幾好。
