餐牌主要有幾款沙律，蕎麥麵餐，三文治同cakes，餐可以加錢跟湯或飲品等...價錢酒店唔貴，食物大概$40-70，咖啡大概$40-50幾蚊。
14
點了香芒大蝦沙律，Half Portion Sandwich + 周打蜆湯，兩杯咖啡，Espresso Tonic & Honey Latte，仲有朱古力moss cake，大約$240。
沙律係用紙兜承載，芒果味甜，大蝦新鮮實淨，沙律菜無醬汁，好靠芒果嘅汁，一齊食都係有點dry同味道單調。
1
最好味係周打蜆湯足料，味道鮮味！
Sandwich半份偏細，烘到有點過龍，咬落雖然好脆但已經無咩水份好乾，加上ham本身都無汁亦唔夠香，芝士又唔夠流心，成件事好乾，味道一般，食完都唔飽🥲
咖啡可以話唔入流...本身個base 唔係好掂，所以沖出嚟會飲到咖啡唔好嘅味道...配tonic 用fruity 會比較襯，咖啡係偏苦味但出到香味。 Honey Latte 係有點災難級，成件事奶水咁，咖啡香味好似困住左咁...
最後件cake 有返d 安慰，賣相精緻，外表光滑，口質軟滑，朱古力味濃，唔錯👍🏻唯一係旁邊的粒粒，唔sure 係咩，但食落食脆但最後又咬唔難，影響口感。
可能本身呢間店唔係酒店直接管理，但在酒店餐廳感覺食物質素應該會好d, 相比起小店cafe 好似仲好味。或者其實佢主要係for人外賣？要求唔好咁高？但JW喎⋯⋯有點失望！
