影片
更多
2008-03-20
6 浏览
今次同朋友慕名而來，事關睇過"1月份好評餐廳十強"，就試試呢個O。我同朋友星期一晚飯時間七點幾去到新城市呢間店，入坐率八九成，好快我地就搵到位坐低。睇睇出面個Menu，全英喎，檯面個店鋪介紹牌，又全英喎。全英唔係問題，個Menu太簡單就有D問題，雖然一眼睇晒食物款色唔多，佢只係寫乜包幾銀，Combo幾銀，Milk Shake單叫又幾銀，套餐加塊芝士又幾銀，但佢圖又唔多，想看圖估餐都唔係咁容易‥其實一個套餐有D咩呢？又可以跟咩o野飲呢？個餐有冇得加大呢？唔知喎‥問店員吧啦‥講返D食物，即整的話都幾快起貨，叫o左拎張單返埋位冇耐就有店員笑住拎到你檯面。我地叫o左個蘑菇包Combo同雞包Combo(唔記得D名，餐樣詳見附圖)飲品﹣普通啦，一般汽水機溝出o黎o既淡味汽水。薯條﹣粗粗地一碌，有口感，原薯味，其實都係普通，一般美國餐都係呢款薯條。蘑菇包﹣好似係因為有牛肉o既關係，包上面有條Pickle(即漢堡包入面舊酸瓜)，但佢放包頂呢o下幾頂癮，好似人地浸溫泉放毛巾上頭上面咁。個包睇起o黎唔太大，但食o左幾嗒已經覺得有料到，塊肉，wow，係牛肉o黎架~(咁講雖然好白痴，但我食M記包時好難有呢個F
講返D食物，即整的話都幾快起貨，叫o左拎張單返埋位冇耐就有店員笑住拎到你檯面。我地叫o左個蘑菇包Combo同雞包Combo(唔記得D名，餐樣詳見附圖)
飲品﹣普通啦，一般汽水機溝出o黎o既淡味汽水。
薯條﹣粗粗地一碌，有口感，原薯味，其實都係普通，一般美國餐都係呢款薯條。
蘑菇包﹣好似係因為有牛肉o既關係，包上面有條Pickle(即漢堡包入面舊酸瓜)，但佢放包頂呢o下幾頂癮，好似人地浸溫泉放毛巾上頭上面咁。個包睇起o黎唔太大，但食o左幾嗒已經覺得有料到，塊肉，wow，係牛肉o黎架~(咁講雖然好白痴，但我食M記包時好難有呢個Feel)，炒過o既蘑菇又幾爽口喎，加上D淡淡地o既醬汁，的確係一個味道比較Raw o既漢堡包，唔錯，有想試埋其他包o既激動。
雞包﹣呢個真係唔知，但見佢舊雞同D菜突晒出o黎好似都唔錯。
後來加碼一人整返杯Milk Shake，Vanilla同Blueberry，滑呀！幾好味幾好味。
其實呢一餐都唔係話叫美酒佳餚(事關俾得起呢個價出去食其他o野都唔會好差)，但可以話食到有水準o既一餐。員工方面，服務唔錯，唔駛寫出Menu話免費我都知佢地有笑容。整體o黎講我諗我覺得佢好o既因由有三，新奇，整得幾好(食物四四正正)，M記太唔掂(過度港化o既美國快餐)
张贴
